Pentecost Sequence

Veni
Sancte Spiritus

Veni, Sancte
Spiritus,
et emítte caélitus
lucis tuae rádium.

Veni, pater páuperum,
veni, dator múnerum,
veni, lumen córdium.

Consolator óptime,
dulcis hospes animae.
dulce refrigerium.

In labóre
réquies,
in aestu tempéries,
in fletu solácium.

O lux beatíssima,
reple cordis íntima
tuórum fidélium.

Sine tuo númine,
nihil est in hómine,
nihil est innoxium.

Lava quod est sórdidum,
riga quod est áridum,
sana quod est sáucium.

Flecte quod est rígidum,
fove quod est frigidum,
rege quod est devium.

Da tuis fidélibus,
in te confidéntibus,
sacrum septenárium.

Da virtútis méritum
da salútis éxitum,
da perénne gáudium.
Amen. Alleluia


Attributed to Pope Leo III

Advertisements
This entry was posted in faith. Bookmark the permalink.